Ross Mathematics Program — bu Amerika Qo‘shma Shtatlarida har yili yozda o‘tkaziladigan olti haftalik (6 hafta) intensiv yozgi matematik dastur bo‘lib, u o‘rta maktab (high school) o‘quvchilariga chuqur matematik fikrlash, mustaqil tadqiqot va mantiqiy yechimlar ko‘nikmasini rivojlantirishga yo‘naltirilgan. Bu dasturning asosiy yo‘nalishi — Number Theory (raqamlar nazariyasi) bo‘lib, uni chuqur o‘rganish orqali matematik tafakkurni oshirishga e’tibor qaratiladi.
Dastur 15-18 yosh oralig'idagi o‘rta maktab o‘quvchilari uchun mo'ljallangan. Ba’zan yoshroq yoki biroz katta ishtirokchilar ham qabul qilinadi. Nomzodlar matematikaga qiziquvchi va standart maktab matematika mavzularini yaxshi o‘zlashtirgan bo'lishi kerak.
Chuqur matematik fikrlashni shakllantirish. Matematik tafakkur “olimpiada darajasi”ga chiqadi
Dunyoning turli davlatlaridan kelgan kuchli o‘quvchilar bilan birga o‘qiysiz. Har kuni murakkab masalalar ustida ishlaysiz, akademik atmosfera juda kuchli va jiddiy
Ross eng nufuzli dasturlardan biri bo'lib, Top universitetlarga (MIT, Harvard va boshqalar) topshirishda katta ahamiyatga ega bo‘ladi. Tavsiyanoma (recommendation letter) olish imkoniyati ham mavjud
6 hafta davomida universitet tajribasini olish. 2 ta kampus tanlovi mavjud: Otterbein University va Rose‑Hulman Institute of Technology
Ariza quyidagi qismlardan iborat bo‘ladi:
Qisqa esse
O‘qituvchi tavsiyanomasi
Maktab transkripti (baholar)
Murakkab hisob va matematik muammolarga ishlangan javoblar (application problem set)
Ba’zan video yoki qo‘shimcha matnlar kerak bo‘lishi mumkin
Ariza odatda yanvar-mart oylarida ochiladi va mart oyi oxirigacha topshirish tavsiya etiladi. Qabul natijalari odatda aprel oyi o‘rtalarida e’lon qilinadi.