AFS Global STEM Accelerators — bu 12 haftalik to‘liq grantli virtual ta’lim dasturi bo‘lib, unda qizlar butun dunyodan ilm-fan, texnologiya, muhandislik va matematika (STEM) va ijtimoiy ta’sir (social impact) bilan bog‘liq bilimlar, global kompetensiyalar, liderlik va ijtimoiy innovatsiya bo‘yicha o‘qishadi. Dastur AFS va University of Pennsylvania Center for Social Impact Strategy bilan hamkorlikda tashkil etiladi.
Dastur 15 dan 17.5 yoshgacha bo'lgan qizlar uchun mo'ljallangan. Ishtirokchilardan talab qilinadi: Ingliz tilini bilish hamda STEM va barqarorlik (sustainability) bo‘yicha o‘rganishga tayyorlik. Turli millat, ijtimoiy guruhlardan bo‘lgan qizlar qatnashishi tavsiya etiladi; ehtiyojmand yoshlar ham rag‘batlantiriladi.
Dastur yakunida qatnashuvchilar:
Advanced Certificate on Global Competence for Social Impact sertifikatini olishadi;
Dunyo bo‘ylab yosh qizlar bilan hamkorlik qilishadi;
Global STEM bilimlari va kommunikatsiya ko‘nikmalarini mustahkamlashadi.